Şəki–Zaqatala Regional Təhsil İdarəsinin  təşkilatçılığı və  ATİAHİ Şəki rayon komitəsi  ilə birgə  ümumtəhsil məktəblərinin şagirdlərinin Respublika Fənn olimpiadasının Final mərhələsinə vəsiqə qazanması münasibəti ilə tədbir keçirmişdir.
Tədbiri girş sözü ilə açan ATİAHİ  Şəki rayon  komitəsinin sədri  Ziyafət Xasiyeva   tədbiri iştirakçılarını salamladı.Tədbir Azərbaycan Respublikasının Dövlət Himni ilə açıq elan edildi. Ulu Öndərin və torpaqlarımızın azadlığı uğrunda canlarından keçən şəhidlərimizin xatirəsi bir dəqiqəlik sükutla yad edildi.
Tədbirdə çıxış  edən Şəki Regional Təhsil İdarəsinin müdiri Bəhruz Mehdiyev Respublika Fənn olimpiadasının Final mərhələsinə vəsiqə qazanmış şagirdləri və həmin fənlər üzrə şagirdləri  yetişdirən müəllimləri təbrik etdi və onlara  uğurlar arzuladı.
Tədbirdə iştirak edən  müəllimlərdəm Oğuz rayon 3 №-li məktəb-liseyin tarix müəllimi Kərimova Mətanət, Şəki Kimya-biologiya təmayüllü liseyin direktoru Məmmədəliyev Elmir, şagirdlərdən-Qəbələ rayon Nohurqışlaq kənd tam orta məktəbin 10-cu sinif  şagirdi Allahverdiyev İlyaz Çərkəz oğlu, Balakən rayonu Humanitar və Texniki Təmayüllü  liseyin 9-cu sinif şagirdi Dibirova Lamiyə Çingiz qızı, Şəki Kimya-Biologiya Təmayüllü Liseyin 9-cu sinif şagirdi Abbaszadə Rasim Yusif oğlu, valideynlərdən-Yaşarlı Dərya Hacıbala  oğlu çıxış   çıxış edərək tədbiri təşkil edənlərə, göstərilən, diqqət, qayağıya görə  öz təşəkkürlərini və gələcəkdə daha böyük uğurlara imza atmaları üçün əzmlə çalışacaqlarını bildirdilər.
Sonda tədbirdə  Respublika Fənn olimpiadasının Final mərhələsinə vəsiqə qazanmış şagirdlərə, onları  yetişdirən fənn müəllimlərinə Fəxri Fərman, hədiyyələr təqdim olundu və xatirə şəkli çəkildi.