atiahi Şəki şəhər komitəsi
“Təhsil millətin gələcəyidir!”
— Heydər Əliyev
Azərbaycan Təhsil İşçiləri
Azad Həmkarlar ittifaqı
Şəkidə müəllimlər arasında Ulu Öndər Heydər Əliyevin anadan olmasının 101 illiyinə həsr olunmuş şahmat yarışı keçirilib
- Əsas Səhifə
- Xəbərlər
- Şəkidə müəllimlər arasında Ulu Öndər Heydər Əliyevin anadan olmasının 101 illiyinə həsr olunmuş şahmat yarışı keçirilib
Mayın 7-də ATİAHİ Şəki rayon komitəsinin təşkilatçılığı ilə Ulu Öndər Heydər Əliyevin anadan olmasının 101 illiyinə həsr olunmuş müəllimlər arasında şahmat yarışı keçirilib.
Yarışın açılış mərasimində Dövlət Himni səslənib, Ulu Öndərin və şəhidlərimizin xatirəsi bir dəqiqəlik sükutla yad olunub.
ATİAHİ Şəki rayon komitəsinin məsləhətçisi Səbuhi Müslümov çıxış edərək Azərbaycan xalqının ağır vəziyyətində xilaskarlıq missiyasını üzərinə götürmüş Heydər Əliyevin bənzərsiz xadimlərindən, onun milli-mənəvi dəyərlərimizin qorunmasında, mədəniyyətimizin, incəsənətimizin inkişafında xidmətlərindən danışıb.
Digər çıxış edənlər - ATİAHİ Şəki rayon komitəsinin əməkdaşı Solmaz Abduləzizova, Uşaq Gənclər İnkişaf Mərkəzinin direktoru Mehman Həmidov və Uşaq Gənclər İdman-Şahmat Məktəbinin direktoru Saniyə Babayeva Ulu Öndərin həyat və siyasi fəaliyyətindən söz açıb, iştirakçılara uğurlar arzulayıblar.
Sonra yarışa start götürüb, şəhər və kənd məktəblərini təmsil edən 49 müəllim idman mübarizəsinə başlayıb.
Nəticələrə görə, xal hesabında kişilər arasında 1-ci yeri Kiş kənd 2 №-li tam orta məktəbin müəllimi Polad Eyvazov, 2-ci yerləri şəhər 7 №-li tam orta məktəbin müəllimi Asif Nağıyev, 20 №-li məktəbin müəllimi Tərlan Məmmədov, 3-cü yeri Uşaq Gənclər İnkişaf Mərkəzinin texniki işçisi Samir Məmmədov, şəhər 17 №-li məktəbin texniki işçisi İlqar Mustafayev qazanıblar.
Qadın iştirakçılar arasında isə 1-ci yeri şəhər 7 №-li məktəbin müəllimi Nübar İsmayılova, 2-ci yeri Şəki Dövlət Peşə Təhsil Mərkəzinin müəllimi Mayisə Hacıağazadə və şəhər 10 №-li məktəbin müəllimi Məlahət Əzizova, 3-cü yeri isə şəhər 10 №-li məktəbin müəllimi Tamella Nəsrullayeva və Baş Göynük kənd 1 №-li məktəbin müəllimi Validə Zamanova qazanıblar.
Qaliblər və fərqlənən iştirakçılar ATİAHİ Şəki rayon komitəsi tərəfindən fəxri fərmanla təltif olunub. Həmçinin onlara hədiyyələr verilib.
Bizimlə əlaqə
